बाबा रामदेव हे समतेचे प्रचारक होते. गरीब-श्रीमंत, ऊच्च-निच कसलाही भेदभाव न बाळगता त्यांनी समस्त श्रध्दाळुंच्या ईच्छा पुर्ण केल्या व आजही करताहेत. ऑगस्ट-सप्टेंबर मध्ये येथे खुप मोठी यात्रा भरते. लाखो श्रध्दाळु येथे बाबांच्या समाधीच्या दर्शना करीता येतात. सध्या दळणवळणांची साधने भरपुर असल्यामुळे लोक आपापल्या वाहनांनी किंवा ट्रेन, बस कसेही जातात पण अजुनही काही लोक मात्र पायीच जातात. कारण पायी गेल्यानेच बाबा प्रसन्न होतात असा समज आहे. खिशात काही मोजकेच पैसे, दिवसाला ४०-५० किमी अंतर पार पाडायचे असा नित्यक्रम असतो. या श्रध्दाळुंच्या जेवणाची व्यवस्था रस्त्यावरच्या गाववाल्यांकडुन जागोजागी अन्नछत्रे उभारुन केली जाते. असेच हे आजोबा भोपाळ वरुन पायी निघालेत. म्हणजे जवळ जवळ १००० किमी अंतर पायी जाणार हे आजोबा....
